Coca Cola ຂະຫຍາຍ​ການ​ໃຊ້​ງານ Blockchain ສູ່​ພັນ​ທະ​ມິດ​ຫລາຍກວ່າ 70 ລາຍການ


ບໍລິສັດ​ໄອ​ທີ​ທີ່​ຢູ່​ເບື້ອງ​ຫລັງ​ກະ​ບວນ​ການ​ຜະລິດ​ຂວດ​ຂອງ Coca-Cola ຈະ​ຕິດ​ໃຈ​ຄວາມ​ສາມາດ​ຂອງ​ເທັກ​ໂນ​ໂລຢີ Block Chain ເຂົ້າ​ໃຫ້​ແລ້ວ ເລັ່ງ​ຂະຫຍາຍ​ການ​ໃຊ້​ງານ​ສູ່ 70 ພັນ​ທະ​ມິດ​ບ່ອນເຮັດວຽກ​ຜະລິດ​ຂວດ ເພື່ອ​ຮອງ​ຮັບ​ຈຳນວນ​ການ​ຜະລິດ 160,000 ຂວດ​ຕໍ່​ມື້
Coke One North America: CONA ກ່າວ​ວ່າ​ໂຄງ​ການ​​ນີ້​ເປັນ​ການເຮັດວຽກງານ​ຮ່ວມ​ກັບ​ຜູ້​ໃຫ້​ບໍລິການຊອັບແວຼ໌ SAP ໂດຍ​ເພີ່ມ​ຈຳນວນ​ການ​ໃຊ້​ງານ​ຈາກ 2 ໄປ 70 ໂຮງ​ງານ ໂດຍ​ໂຄງ​ການ​ທີ່​ນຳ Block Chain ມາ​ໃຊ້​ສັນຍາ​ວ່າ​ຈະ​ປັບປຸງ​ເລື່ອງ​ການ​ກະ​ຈາຍ​ສິນ​ຄ້າ​ສຳລັບ​ຜູ້​ເຂົ້າ​ຮ່ວມ​ໄດ້ ເນື່ອງ​ຈາກ​ຜູ້​ຜະລິດ​ທັງ​ໝົດ​ສາມາດ​ເຂົ້າ​ເຖິງ​ຄວາມ​ຕ້ອງ​ການ​ໃນ​ການ​ສັ່ງ​ຊື້​ໄດ້​ທັນ​ທີ

ຕົວ​ຢ່າງ​: ​ຫາກ​ຜູ້​ຜະລິດ​ຂວດ​ມີສະຕອັກ​ພຽງ​ພໍ​ສຳລັບ​ຄຳ​ສັ່ງ​ທີ່​ປາກົດ​ໃນ​ເຄືອ​ຂ່າຍ ຈະ​ມີ​ຕົວ​ເລືອກ​ສຳລັບ​ການ​ເຕີມ​ເຕັມ​ຈຳນວນ​ທີ່​ຂາດ ການ​ທີ່​ຜູ້​ຜະລິດ​ສາມາດ​ເຂົ້າ​ເຖິງ​ຄວາມ​ຕ້ອງ​ການ​ໄດ້​ທັນ​ທີ​ຈະ​ຊ່ວຍ​ລຸດ​ບັນຫາ​ທີ່​ເກີດ​ຈາກ​ຍອດ​ການ​ສັ່ງ​ຊື້​ຂວດ ທີ່​ເຄີຍ​ລ່າ​ຊ້າ​ໃນ​ໜຶ່​ງອາທິດ ​ເຫຼືອ​ພຽງ​ບໍ່​ຈັກ​ມື້
ລະບົບ​ການເຮັດວຽກງານ​ເດີມ​ມີ​ຈຳນວນ​ທຸລະ​ກຳ​ທີ່​ຕ້ອງ​ເຮັດ​ຂ້າມ​ບໍລິສັດ​ຈຳນວນ​ຫລາຍ ມີ​ຫລາຍ​ຝ່າຍ​ທີ່​ກ່ຽວ​ຂ້ອງ ການເຮັດວຽກງານ​ຜ່ານ​ຕົວ​ກາງ​ມີ​ຄວາມ​ລ່າ​ຊ້າ​ແລະ​ບໍ່​ມີ​ປະ​ສິດ​ທິ​ພາບ ເຮົາ​ຮູ້​ວ່າ​ການ​ນຳ​ເອົາ Block Chain ເຂົ້າ​ມາ​ຈະ​ຊ່ວຍ​ປັບປຸງ​ປະ​ສິດ​ທິ​ພາບ​ ແລະ ​ລຸດ​ຕົ້ນ​ທຶນ​ໄດ້” ຜູ້​ຈັດການ​ອາ​ວຸ​ໂສ​ຂອງ Coke One North America ກ່າວວ່າທາງ​ດ້ານ Pepsi Co ຊຶ່ງ​ເປັນ​ຄູ່​ແຂ່ງ​ສຳຄັນ​ຂອງ Coca-Cola ​ກໍ່ໃຊ້​ເທັກ​ໂນ​ໂລ​ຍີ Block Chain ແລ້ວ​ເຊັ່ນ​ກັນ ບໍລິສັດ​ກ່າວ​ວ່າ​ຫລັງ​ຈາກ​ເລີ່ມ​ໃຊ້​ງານ​ເມື່ອ​ເດືອ​ນພຶດສະພາ​ທີ່​ຜ່ານມາ ເຮັດໃຫ້​ປະ​ສິດ​ທິ​ພາບ​ການເຮັດວຽກງານ​ເພີ່ມ​ຫລາຍ​ຂຶ້ນ 28%